ਰੋਮ (ਇਟਲੀ) 18 ਫਰਵਰੀ (ਹਰਦੀਪ ਸਿੰਘ ਕੰਗ) - ਰਾਏ ਪ੍ਰੋਡਕਸ਼ਨਜ਼ ਤੇ ਹਰਜੀਤ ਰਾਏ ਵੱਲੋਂ ਯੂਰਪ ਵਿੱਚ ਕਰਵਾਇਆ ਜਾ ਰਿਹਾ ਪਹਿਲਾ ਫੈਸ਼ਨ ਅਤੇ ਟੈਲੈਂਟ ਸ਼ੋਅ ਯੂਰਪ ਵਿੱਚ ਵੱਸਦੇ ਨੌਜਵਾਨਾਂ ਲਈ ਆਪਣੀ ਪ੍ਰਤਿਭਾ ਦਿਖਾਉਣ ਦਾ ਸੁਨਹਿਰੀ ਮੌਕਾ ਹੋਵੇਗਾ। ਇਹ ਵਿਚਾਰ ਇਟਲੀ ਦੇ ਪ੍ਰਸਿੱਧ ਬਿਜਨੈਸਮੈਨ ਤੇ ਟੀ ਵੀ ਪ੍ਰੈਜੈਂਟਰ ਸਰਬਜੀਤ ਸਿੰਘ ਢੱਕ ਨੇ ਪ੍ਰੈਸ ਨਾਲ ਸਾਂਝੇ ਕੀਤੇ। ਉਹਨਾਂ ਅੱਗੇ ਕਿਹਾ ਕਿ, ਰਾਏ ਹਰਜੀਤ ਵੱਲੋਂ ਟੈਲੈਂਟ ਨਿਖਾਰਨ ਦਾ ਜੋ ਬੀੜਾ ਚੁੱਕਿਆ ਗਿਆ ਹੈ ਉਸ ਨਾਲ ਖਾਸ ਕਰ ਯੂਰਪ ਵਿੱਚ ਪੈਦਾ ਹੋਏ ਸਾਡੇ ਨੌਜਵਾਨਾਂ ਨੂੰ ਬਹੁਤ ਫਾਇਦਾ ਹੋਵੇਗਾ ਅਤੇ ਉਹਨਾਂ ਨੂੰ ਆਪਣੀ ਮਾਂ ਬੋਲੀ ਅਤੇ ਆਪਣੇ ਦੇਸ਼ ਨਾਲ ਜੁੜਨ ਦਾ ਮੌਕਾ ਮਿਲੇਗਾ। ਇਟਲੀ ਵਿੱਚ ਪਹਿਲੀ ਵਾਰ ਕਿਸੇ ਸ਼ੋਅ ਨੂੰ ਨੌਜਵਾਨਾਂ ਵੱਲੋਂ ਇੰਨਾ ਭਰਵਾਂ ਹੁੰਗਾਰਾ ਦਿੱਤਾ ਗਿਆ ਹੈ, ਜਿਸ ਤੋਂ ਸਾਫ ਜਾਹਿਰ ਹੁੰਦਾ ਹੈ ਕਿ ਸਾਡੇ ਨੌਜਵਾਨ ਬਾਹਰੇ ਮੁਲਕਾਂ ਵਿੱਚ ਰਹਿ ਕੇ ਵੀ ਆਪਣੀ ਮਿੱਟੀ ਅਪਣੀ ਬੋਲੀ ਤੇ ਅਪਣੇ ਦੇਸ਼ ਨਾਲ ਜੁੜਿਆ ਰਹਿਣਾ ਚਾਹੁੰਦੇ ਹਨ।