ਕੌਂਸਲੇਟ ਨੇ ਕੀਤਾ ਦੋਸ਼ਾਂ ਤੋਂ ਇਨਕਾਰ

ਨਿਊਯਾਰਕ, 22 ਫਰਵਰੀ (ਬਿਊਰੋ) - ਨਿਊਯਾਰਕ ਵਿਖੇ ਭਾਰਤੀ ਰਾਜਦੂਤ ਦੇ ਕੌਂਸਲੇਟ ਜਨਰਲ ਪ੍ਰਭੂ ਦਿਆਲ 'ਤੇ ਉਨ੍ਹਾਂ ਦੀ ਨੌਕਰਾਣੀ ਨਾਲ ਬਲਾਤਕਾਰ, ਸਰੀਰਕ ਸੋæਸਣ ਅਤੇ ਗੁਲਾਮ ਬਣਾ ਕੇ ਜਬਰੀ ਘਰ ਵਿਚ ਰੱਖਣ ਦੇ ਦੋਸ਼ ਲੱਗੇ ਹਨ। ਇਹ ਪਹਿਲੀ ਵਾਰ ਨਹੀਂ ਕਿ ਭਾਰਤੀ ਦੂਤਾਵਾਸ ਦੇ ਮੁਲਾਜਮਾਂ 'ਤੇ ਅਜਿਹੇ ਘਿਨਾਉਣੇ ਦੋਸ਼ ਲੱਗੇ ਹੋਣ। ਐਨ ਡੀ ਟੀ ਵੀ ਨਾਲ ਇਕ ਮੁਲਕਾਤ ਦੌਰਾਨ ਉਨ੍ਹਾਂ ਆਪਣੇ 'ਤੇ ਲੱਗੇ ਦੋਸ਼ਾਂ ਨੂੰ ਅਧਾਰਹੀਣ ਦੱਸਦਿਆਂ ਨਕਾਰਿਆ ਅਤੇ ਸਪਸ਼ਟ ਕੀਤਾ ਕਿ ਘਰ ਵਿਚ ਕੰਮ ਕਰਨ ਵਾਲੀ ਕਰਮਚਾਰੀ ਪਰਿਵਾਰਕ ਮੈਂਬਰਾਂ ਵਾਂਗ ਘਰ ਵਿਚ ਰਹਿੰਦੀ ਸੀ। ਉਨ੍ਹਾਂ ਦੱਸਿਆ ਕਿ, ਜਿਸ ਕਮਰੇ ਵਿਚ ਕਰਮਚਾਰੀ ਰਹਿੰਦੀ ਸੀ, ਉਹ ਕਮਰਾ ਬਹੁਤ ਹੀ ਖੂਬਸੂਰਤ ਅਤੇ ਵਾਤਾਅਨੁਕੂਲ ਹੈ। ਜਿਸ ਦੇ ਫਰਸ਼ 'ਤੇ ਗਲੀਚੇ ਵਿਛੇ ਹਨ, ਪਰ ਫਿਰ ਵੀ ਅਜਿਹੇ ਦੋਸ਼ ਲਗਾਏ ਜਾਣੇ ਗਲਤ ਹਨ। ਕੌਂਸਲੇਟ ਦਿਆਲ ਦੀ ਘਰੇਲੂ ਕਰਮਚਾਰੀ ਸੰਤੋਸ਼ ਭਾਰਦਵਾਜ਼ ਨੇ ਖੁਲਾਸਾ ਕੀਤਾ ਕਿ, ਉਸ ਨੂੰ ਘਟੀਆ ਪੱਧਰ ਦੀ ਰਿਹਾਇਸ਼ ਤੋਂ ਇਲਾਵਾ 300 ਅਮਰੀਕੀ ਡਾਲਰ ਮਾਸਿਕ ਦਿੱਤੇ ਜਾਂਦੇ ਸਨ। ਇਸ ਤੋਂ ਇਲਾਵਾ ਉਸ ਦਾ ਸਰੀਰਕ ਸੋਸ਼ਣ ਕੀਤਾ ਜਾਂਦਾ ਸੀ। ਜਬਰੀ ਸਰੀਰਕ ਸਬੰਧ ਬਨਾਉਣ ਲਈ ਵੀ ਮਜਬੂਰ ਕੀਤਾ ਜਾਂਦਾ ਰਿਹਾ। ਸੰਤੋਸ਼ ਨੇ ਦੱਸਿਆ ਕਿ, ਉਸਦਾ ਪਾਸਪੋਰਟ ਵੀ ਕੌਂਸਲੇਟ ਦੇ ਕਬਜ਼ੇ ਵਿਚ ਹੈ। ਇਹੀ ਕਾਰਨ ਸਨ ਜਿੰਨਾਂ ਕਰਕੇ ਉਸ ਨੇ ਇਨਸਾਫ ਦੀ ਗੁਹਾਰ ਲਗਾਈ। ਬਣਦਾ ਵੇਤਨ, ਪਾਸਪੋਰਟ ਦੀ ਵਾਪਸੀ ਅਤੇ ਸੋæਸ਼ਣ ਦੀ ਭਰਪਾਈ ਦੀ ਗੁਹਾਰ ਲਗਾਈ। 45 ਸਾਲਾ ਸੰਤੋਸ਼ ਵੱਲੋਂ ਦਰਜ ਕਰਵਾਈ ਗਈ ਸ਼ਿਕਾਇਤ ਨੂੰ ਜਾਂਚਦਿਆਂ ਅਧਿਕਾਰੀਆਂ ਨੇ ਇਸ ਨੂੰ ਮਨਘੜਤ ਕਹਾਣੀ ਦੱਸਿਆ। ਉਨ੍ਹਾਂ ਇਹ ਵੀ ਕਿਹਾ ਕਿ, ਸੰਤੋਸ਼ 2012 ਜਨਵਰੀ ਵਿਚ ਅਚਾਨਕ ਗਾਇਬ ਹੋ ਗਈ ਸੀ, ਜਦੋਂ ਕਿ ਉਸ ਨੂੰ ਭਾਰਤ ਮੁੜਨਾ ਚਾਹੀਦਾ ਸੀ। ਇਸ ਹਾਦਸੇ ਦੇ ਇਕ ਸਾਲ ਬਾਅਦ ਜਦੋਂ ਉਹ ਵਾਪਸ ਸਮਾਜ ਵਿਚ ਵਿਚਰਨ ਲੱਗੀ ਤਾਂ ਉਸ ਨੇ ਕੌਂਸਲੇਟ 'ਤੇ ਇਲਜ਼ਾਮ ਲਾ ਦਿੱਤਾ। ਸੰਤੋਸ਼ ਨੂੰ 1 ਡਾਲਰ ਪ੍ਰਤੀ ਘੰਟਾ ਵੇਤਨ ਦਿੱਤਾ ਜਾਂਦਾ ਸੀ ਅਤੇ ਉਸ ਦਾ ਪਾਸਪੋਰਟ ਕੌਂਸਲੇਟ ਦੇ ਕਬਜੇ ਵਿਚ ਸੀ। ਕਦੇ ਕਦਾਈਂ ਮਾਲਿਸ਼ ਕਰਨ 'ਤੇ ਵਾਧੂ ਪੈਸੇ ਦਿੱਤੇ ਜਾਣ ਦਾ ਲਾਲਚ ਵੀ ਦਿੱਤਾ ਜਾਂਦਾ ਸੀ। ਉਪਰੋਕਤ ਇਲਜ਼ਾਮ ਸੰਤੋਸ਼ ਨੇ ਦਿਆਲ 'ਤੇ ਲਾਏ , ਜਦੋਂਕਿ ਦਿਆਲ ਨੇ ਸਪਸ਼ਟ ਕੀਤਾ ਕਿ ਉਹ ਸੰਤੋਸ਼ ਨੂੰ 10 ਅਮਰੀਕੀ ਡਾਲਰ ਪ੍ਰਤੀ ਘੰਟਾ ਦਿੰਦਾ ਸੀ ਅਤੇ ਮਾਲਿਸ਼ ਦੀ ਉਸ ਨੂੰ ਲੋੜ ਨਹੀਂ, ਕਿਉਂਕਿ ਉਹ ਬਿਲਕੁਲ ਸਵਸਥ ਹੈ। ਉਨ੍ਹਾਂ ਸਾਰੇ ਇਲਜ਼ਾਮਾਂ ਨੂੰ ਮੁੱਢ ਤੋਂ ਨਕਾਰਦਿਆਂ ਆਪਣੇ ਆਪ ਨੂੰ ਬੇਕਸੂਰ ਦੱਸਿਆ।

ਨਿਊਯਾਰਕ (ਅਮਰੀਕਾ) 12 ਫਰਵਰੀ (ਐਮ ਹਸਨ) - ਮਸ਼ਹੂਰ ਅਮਰੀਕੀ ਪਾਪ ਗਾਇਕਾ ਅਤੇ ਫ਼ਿਲਮ ਐਕਟਰੈਸ ਵਿਟਨੀ ਹਿਊਸਟਨ ਦਾ 48 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ। ਵਿਟਨੀ ਦਾ ਦਿਹਾਂਤ ਹੋਟਲ ਬੇਵਰਲੀ ਹਿਲਜ਼ ਵਿਚ ਹੋਇਆ। 1986 ਵਿਚ ਵਿਟਨੀ ਹਿਊਸਟਨ ਨੂੰ ਮਿਊਜ਼ਕ ਦੇ ਆੱਸਕਰ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ। ਉਸ ਸਮੇਂ 23 ਸਾਲ ਦੀ ਉਮਰ ਵਿਚ ਸੰਗੀਤ ਦੀ ਦੁਨੀਆ ਵਿਚ ਨਵੀਂ ਸੰਗੀਤ ਦੀ ਰਾਣੀ ਦੇ ਤੌਰ 'ਤੇ ਉਸਦਾ ਸਵਾਗਤ ਕੀਤਾ ਗਿਆ। ਸਭ ਤੋਂ ਪਹਿਲਾਂ ਕਰਿਸਟਨ ਫੋਸਟਰ ਨੇ ਵਿਟਨੀ ਦੀ ਮੌਤ ਦੀ ਖ਼ਬਰ ਪ੍ਰੈੱਸ ਨੂੰ ਦਿੱਤੀ। ਇਸ ਉਪਰੰਤ ਪਰਿਵਾਰ ਨੇ ਇਸ ਖ਼ਬਰ ਦੀ ਪੁਸ਼ਟੀ ਕੀਤੀ। ਚੰਗੇ ਗਾਇਕਾਵਾਂ ਵਿੱਚ ਸ਼ੁਮਾਰ ਵਿਟਨੀ ਹਿਊਸਟਨ ਨੇ ਬਾਡੀਗਾਰਡ ਅਤੇ ਵੇਟਿੰਗ ਟੂ ਏਕਸਹੇਲ ਨਾਮ ਦੀਆਂ ਫ਼ਿਲਮਾਂ ਵਿੱਚ ਅਭਿਨੇ ਵੀ ਕੀਤਾ। ਸੰਗੀਤ ਜਗਤ ਨਾਲ ਜੁੜੇ ਲੋਕਾਂ ਨੇ ਵਿਟਨੀ ਨੂੰ ਭਾਵਭਿੰਨੀ ਸ਼ਰਧਾਂਜਲੀ ਦਿੱਤੀ ਹੈ। ਬੌਬੀ ਬਰਾਉਨ ਨਾਲ ਵਿਆਹ ਦੇ ਬਾਅਦ ਵਿਟਨੀ ਦਾ ਜੀਵਨ ਵਿਵਾਹਿਕ ਕਲੇਸ਼ ਵਿੱਚ ਗੁੰਮ ਹੋ ਗਿਆ। ਹਿਊਸਟਨ ਦੇ ਗਾਏ ਗਾਣੇ ਮੂਲ ਰੂਪ ਵਿਚ ਆਤਮਿਕ ਅਤੇ ਧਾਰਮਿਕ ਭਾਵਨਾਵਾਂ ਨਾਲ ਓਤ ਪ੍ਰੋਤ ਹੁੰਦੇ ਸਨ। ਵਿਟਨੀ ਹਿਊਸਟਨ ਦੀ ਮਾਂ ਸਿੱਸੀ ਹਿਊਸਟਨ ਧਾਰਮਿਕ ਗਾਣੇ ਗਾਇਆ ਕਰਦੀ ਸੀ। ਵਿਟਨੀ ਹਿਊਸਟਨ ਦਾ ਬਚਪਨ ਨਿਊਜਰਸੀ ਵਿੱਚ ਗੁਜ਼ਰਿਆ, ਜਿੱਥੇ ਉਸ ਨੇ ਗਿਰਜੇ ਵਿੱਚ ਗਾਣੇ ਦੀ ਸ਼ੁਰੂਆਤ ਕੀਤੀ। ਬਾਅਦ ਵਿਚ ਉਹ ਨਿਊਯਾਰਕ ਦੇ ਨਾਇਟ ਕਲੱਬਾਂ ਵਿੱਚ ਗਾਉਣ ਲੱਗ ਪਈ। ਵਿਟਨੀ ਨੂੰ ਗਾਇਕੀ ਦੇ ਖੇਤਰ ਵਿੱਚ ਬ੍ਰੇਕ ਅਰਿਸਤਾ ਰਿਕਾਰਡਸ ਨੇ ਦਿੱਤਾ ਸੀ। 1980 - 1990 ਦੌਰਾਨ ਵਿਟਨੀ ਨੂੰ ਉਸਦੀ ਗਾਇਕੀ ਲਈ ਕਈ ਵੱਡੇ ਪੁਰਸਕਾਰਾਂ ਨਾਲ ਨਿਵਾਜਿਆ ਗਿਆ। ਵਿਟਨੀ ਨੂੰ ਦੋ ਏਮੀ, ਛੇ ਗਰੈਮੀ, 30 ਬਿਲਬੋਰਡ ਮਿਊਜ਼ਕ, 22 ਅਮਰੀਕੀ ਮਿਊਜ਼ਕ ਐਵਾਰਡਸ ਸਹਿਤ ਕਰੀਬ 415 ਇਨਾਮ ਪ੍ਰਾਪਤ ਹੋਏ। ਹਾਲ ਹੀ ਦੇ ਦਿਨਾਂ ਵਿੱਚ ਡਰੱਗਸ ਦੀ ਵਧੇਰੀ ਵਰਤੋਂ ਦੇ ਕਾਰਨ ਆਪਣੇ ਸਮੇਂ ਦੀ ਇਸ ਚੰਗੀ ਪਾਪ ਗਾਇਕਾ ਦੀ ਅਵਾਜ 'ਤੇ ਬਹੁਤ ਬੁਰਾ ਅਸਰ ਪਿਆ ਅਤੇ ਉਸਦਾ ਗਲਾ ਕਾਫ਼ੀ ਖ਼ਰਾਬ ਹੋ ਗਿਆ ਸੀ।

ਰੋਮ (ਇਟਲੀ) 9 ਫਰਵਰੀ (ਬ.ਸੰਧੂ) - ਰੋਮ ਦੇ ਰਾਜ ਅਧਿਕਾਰੀ ਜੁਸੇਪੇ ਪੇਕੋਰਾਰੋ ਨੇ ਮੌਸਮ ਵਿਭਾਗ ਦੇ ਮਾਹਿਰਾਂ ਵੱਲੋਂ ਜਾਰੀ ਕੀਤੀ ਜਾਣਕਾਰੀ ਦੇ ਅਧਾਰ 'ਤੇ ਰੋਮ ਦੇ ਆਲੇ ਦੁਆਲੇ ਅਤੇ ਮੂੱਖ ਸੜਕਾਂ 'ਤੇ ਕੱਲ 10 ਫਰਵਰੀ 2012 ਦੀ ਸਵੇਰ 6 ਵਜੇ ਤੋਂ ਵੱਡੇ ਵਾਹਨਾਂ 'ਤੇ ਰੋਕ ਲਗਾਈ ਗਈ ਹੈ। ਮੌਸਮ ਵਿਭਾਗ ਨੇ ਕੱਲ ਸਵੇਰ 6 ਵਜੇ ਤੋਂ ਰੋਮ ਸ਼ਹਿਰ ਅਤੇ ਆਸ ਪਾਸ ਦੇ ਇਲਾਕਿਆਂ ਵਿਚ ਭਾਰੀ ਬਰਫਬਾਰੀ ਹੋਣ ਦੀ ਚਿਤਾਵਨੀ ਦਿੱਤੀ ਹੈ। ਇਸ ਚਿਤਾਵਨੀ ਨੂੰ ਅਧਾਰ ਮੰਨਦਿਆਂ ਰੋਮ ਪ੍ਰਸਾਸ਼ਨ ਨੇ ਸੜਕਾਂ 'ਤੇ 7,5 ਟੱਨ ਤੋਂ ਵੱਧ ਭਾਰ ਦੇ ਮਾਲ ਢੋਹਕ ਵਾਹਨ, ਵੱਡੇ ਟਰੱਕਾਂ 'ਤੇ ਮਨਾਹੀ ਲਗਾਈ ਹੈ, ਜਿਸ ਨਾਲ ਅਣਸੁਖਾਵੀਂ ਘਟਨਾ ਨੂੰ ਰੋਕਿਆ ਜਾ ਸਕੇ। ਸਿਰਫ ਉਹੀ ਛੋਟੇ ਵਾਹਨ ਸੜਕਾਂ 'ਤੇ ਆਉਣ, ਜਿਹੜੇ ਬਰਫਬਾਰੀ ਲਈ ਲੌੜੀਂਦੇ ਸਾਜੋ ਸਮਾਨ ਅਤੇ ਟਾਇਰਾਂ 'ਤੇ ਚੇਨਾਂ ਚੜੇ ਵਾਲੇ ਹੋਣ। ਇਸ ਸੰਕਟਕਾਲੀਨ ਸਥਿਤੀ ਨੂੰ ਦੇਖਦਿਆਂ ਪ੍ਰਸਾਸ਼ਨ ਨੇ ਸਕੂਲ ਬੰਦ ਰੱਖਣ ਦੇ ਹੁਕਮ ਜਾਰੀ ਕੀਤੇ ਹਨ। ਇਸ ਲਈ ਕੱਲ 10 ਫਰਵਰੀ ਦਿਨ ਵੀਰਵਾਰ ਅਤੇ 11 ਫਰਵਰੀ ਦਿਨ ਸ਼ਨਿੱਚਰਵਾਰ ਨੂੰ ਸਕੂਲ, ਕਾਲਜ ਅਤੇ ਉੱਚ ਸਿੱਖਿਅਕ ਸੰਸਥਾਵਾਂ ਬੰਦ ਰਹਿਣਗੀਆਂ।

ਨਵੀਂ ਦਿੱਲੀ, 8 ਫਰਵਰੀ (ਬਿਊਰੋ) - ਦੱਖਣੀ ਅਫਰੀਕਾ ਦੀ ਇੱਕ ਔਰਤ ਸੋਨੇਟੇ ਅਹਲਰਸ ਨੇ ਕੁਝ ਸਾਲ ਪਹਿਲਾਂ 'ਐਂਟੀ ਰੇਪ ਕੰਡੋਮ' ਦੀ ਰਚਨਾ ਕੀਤੀ ਸੀ। ਜਿਸਦਾ ਨਾਮ ਉਸਨੇ ਰੇਪੇਕਸ ਰੱਖਿਆ ਸੀ। ਇਹ ਕੰਡੋਮ ਮੂਲ ਰੂਪ ਨਾਲ ਇੱਕ ਇਹੋ ਜਿਹੀ ਉਪਕਰਣ ਹੈ ਜਿਸ ਵਿੱਚ ਦੰਦਾਂ ਦੀ ਤਰ੍ਹਾਂ ਨੁਕੀਲੀ ਰਚਨਾ ਹੈ। ਇਸ ਫੀਮੇਲ ਕੰਡੋਮ ਨੂੰ ਪਹਿਨਣ ਦੇ ਬਾਅਦ ਜੇਕਰ ਪੁਰਸ਼ ਔਰਤ ਨਾਲ ਬਲਾਤਕਾਰ ਕਰਨ ਦਾ ਯਤਨ ਕਰਦਾ ਹੈ ਤਾਂ ਉਸਦਾ ਲਿੰਗ ਕੰਡੋਮ ਦੀ ਨੁਕੀਲੀ ਰਚਨਾ ਨਾਲ ਵਿਚ ਫਸ ਜਾਵੇਗਾ। ਅਹਲਰਸ ਨੂੰ ਇਹ ਕੰਡੋਮ ਬਨਾਉਣ ਦਾ ਵਿਚਾਰ ਉਸ ਸਮੇਂ ਆਇਆ ਜਦੋਂ ਉਸਦੀ ਮੁਲਾਕਾਤ ਬਲਾਤਕਾਰ ਦੀ ਪੀੜ੍ਹਤ ਇੱਕ ਔਰਤ ਨਾਲ ਹੋਈ ਪੀੜ੍ਹਤ ਔਰਤ ਨੇ ਕਿਹਾ, ਜੇਕਰ ਮੇਰੇ ਗੁਪਤਾਂਗ ਵਿੱਚ ਦੰਦ ਹੁੰਦੇ ਤਾਂ ਮੈਂ ਬਲਾਤਕਾਰੀ ਨੂੰ ਸਬਕ ਸਿਖਾ ਸਕਦੀ ਸੀ। ਪੀੜ੍ਹਤ ਔਰਤ ਦੀ ਗੱਲ ਤੋਂ ਅਹਲਰਸ ਨੂੰ ਪ੍ਰੇਰਨਾ ਮਿਲੀ ਅਤੇ ਉਸਨੇ ਨੇ ਇਹ ਕੰਡੋਮ ਤਿਆਰ ਕੀਤਾ। ਇਹ ਕੰਡੋਮ ਬਲਾਤਕਾਰ ਕਰਨ ਵਾਲੇ ਦੇ ਲਿੰਗ ਨਾਲ ਉਦੋਂ ਤੱਕ ਚਿਪਕਿਆ ਰਹੇਗਾ, ਜਦੋਂ ਤੱਕ ਉਸ ਨੂੰ ਸਰਜਰੀ ਦੇ ਜਰੀਏ ਹਟਾਇਆ ਨਾ ਜਾਵੇ। ਇਸ ਸਥਿਤੀ ਵਿੱਚ ਦੋਸ਼ੀ ਦੀ ਜਾਣਕਾਰੀ ਪੁਲਿਸ ਅਤੇ ਹਸਪਤਾਲ ਤੱਕ ਪਹੁੰਚ ਜਾਵੇਗੀ ਅਤੇ ਉਸਨੂੰ ਫੜਨਾ ਸੌਖਾ ਹੋ ਜਾਵੇਗਾ। ਬਾਅਦ ਵਿੱਚ ਇਸ ਕੰਡੋਮ ਦਾ ਨਾਮ ਰੇਪੇਕਸ ਤੋਂ ਬਦਲਕੇ ਰੇਪ ਐਕਸ ਕੀਤਾ ਗਿਆ। 31 ਅਗਸਤ 2005 ਵਿੱਚ ਇਸਨੂੰ ਦੁਨੀਆ ਸਾਹਮਣੇ ਪੇਸ਼ ਕੀਤਾ ਗਿਆ ਸੀ।