ਜੇ ਕਿਸੇ ਦਾ ਪਤੀ/ਪਤਨੀ ਇਟਲੀ ਵਿਚ ਰਹਿ ਰਿਹਾ ਹੋਵੇ ਅਤੇ ਕੰਮ ਕਰਦਾ ਹੋਵੇ। ਇਟਲੀ ਵਿਚ ਉਸਦੀ ਰਿਹਾਇਸ਼ ਕਾਨੂੰਨੀ ਨਿਵਾਸ ਆਗਿਆ ਦੇ ਅਧਾਰਿਤ ਹੋਵੇ, ਤਾਂ ਕੀ ਉਹ ਆਪਣੇ ਕੋਲ ਸੈਲਾਨੀ ਵੀਜ਼ੇ 'ਤੇ ਆਏ ਜੀਵਨ ਸਾਥੀ ਨੂੰ ਪੱਕੇ ਤੌਰ 'ਤੇ ਇਟਲੀ ਵਿਚ ਰੱਖ ਸਕਦਾ ਹੈ?
ਉਪਰੋਕਤ ਸਵਾਲ ਬਹੁਤ ਸਾਰੇ ਵਿਦੇਸ਼ੀਆਂ ਦੇ ਦਿਮਾਗ ਵਿਚ ਹੋਵੇਗਾ, ਖਾਸ ਕਰ ਜਿਨ੍ਹਾਂ ਦਾ ਜੀਵਨ ਸਾਥੀ ਸੈਲਾਨੀ ਵੀਜ਼ੇ 'ਤੇ ਇਟਲੀ ਵਿਚ ਪਹੁੰਚ ਚੁੱਕਾ ਹੋਵੇ ਜਾਂ ਆਉਣਾ ਚਾਹੁੰਦਾ ਹੋਵੇ। ਇਸ ਬਾਰੇ ਕਾਨੂੰਨ ਕੀ ਕਹਿੰਦਾ ਹੈ, ਵਿਚਾਰ ਕਰਦੇ ਹਾਂ। ਗੈਰਯੂਰਪੀ ਵਿਦੇਸ਼ੀ ਪਰਿਵਾਰਕ ਕੋਹੇਸ਼ਨ (ਗਠਜੋੜ) ਦੀ ਦਰਖ਼ਾਸਤ ਦੇ ਸਕਦੇ ਹਨ, ਜੇ ਉਹ ਢੁੱਕਵੀਆਂ ਕਾਨੂੰਨੀ ਸ਼ਰਤਾਂ ਪੂਰੀਆਂ ਕਰਦੇ ਹੋਣ।
ਕੋਏਸੀਓਨੇ ਫਾਮੀਲੀਆਰੇ ਗੈਰਯੂਰਪੀ ਵਿਦੇਸ਼ੀਆਂ ਨੂੰ ਆਪਣੇ ਪਰਿਵਾਰ ਨਾਲ ਇਕੱਠੇ ਹੋਣ ਦੀ ਇਜਾਜ਼ਤ ਦਿੰਦਾ ਹੈ, ਬਸ਼ਰਤੇ ਗੈਰਯੂਰਪੀ ਵਿਦੇਸ਼ੀ ਇਟਲੀ ਵਿਚ ਕਾਨੂੰਨੀ ਤੌਰ 'ਤੇ ਪੱਕੇ ਰਹਿੰਦੇ ਹੋਣ। ਇਨ੍ਹਾਂ ਦੇ ਪਰਿਵਾਰਕ ਮੈਂਬਰ ਪਰਿਵਾਰਕ ਨਿਵਾਸ ਆਗਿਆ ਦੀ ਦਰਖ਼ਾਸਤ ਦੇ ਸਕਦੇ ਹਨ।
ਕੋਏਸੀਓਨੇ ਫਾਮੀਲੀਆਰੇ ਅਤੇ ਰੀਕੋਨਜੁੰਜੀਮੈਂਤੇ ਫਾਮੀਲੀਆਰੇ ਤਹਿਤ ਪਰਿਵਾਰ ਨੂੰ ਇਕੱਠਾ ਕਰਨ ਦੀਆਂ ਸ਼ਰਤਾਂ ਇਕੋ ਜਿਹੀਆਂ ਹਨ, ਪਰ ਰੀਕੋਨਜੁੰਜੀਮੈਂਤੇ ਫਾਮੀਲੀਆਰੇ ਤਹਿਤ ਪਰਿਵਾਰ ਨੂੰ ਇਟਲੀ ਬੁਲਾਉਣ ਲਈ ਦਰਖਾਸਤ ਦਿੱਤੀ ਜਾਂਦੀ ਹੈ ਅਤੇ ਕੋਏਸੀਓਨੇ ਫਾਮੀਲੀਆਰੇ ਤਹਿਤ ਇਟਲੀ ਪਹੁੰਚ ਚੁੱਕੇ ਪਰਿਵਾਰ ਨੂੰ ਪੱਕੇ ਕਰਵਾਉਣ ਲਈ ਦਰਖ਼ਾਸਤ ਦਿੱਤੀ ਜਾਂਦੀ ਹੈ। ਕਿਸੇ ਵੀ ਹੋਰ ਮੰਤਵ ਨਾਲ ਪ੍ਰਾਪਤ ਕੀਤੀ ਨਿਵਾਸ ਆਗਿਆ ਨੂੰ ਕੋਏਸੀਓਨੇ ਫਾਮੀਲੀਆਰੇ ਤਹਿਤ ਪਰਿਵਾਰਕ ਨਿਵਾਸ ਆਗਿਆ ਵਿਚ ਤਬਦੀਲ ਕੀਤਾ ਜਾ ਸਕਦਾ ਹੈ। ਜਿਵੇਂ ਕਿ ਵਿਦਿਆਰਥੀ ਸਿੱਖਿਆ ਲਈ ਪ੍ਰਾਪਤ ਕੀਤੀ ਨਿਵਾਸ ਆਗਿਆ ਨੂੰ ਪਰਿਵਾਰਕ ਨਿਵਾਸ ਆਗਿਆ ਵਿਚ ਤਬਦੀਲ ਕਰਵਾ ਸਕਦਾ ਹੈ, ਪਰ ਜੇ ਉਹ ਇਸ ਸਬੰਧੀ ਸ਼ਰਤਾਂ ਨੂੰ ਪੂਰਾ ਕਰਦਾ ਹੋਵੇ ਅਤੇ ਨਿਵਾਸ ਆਗਿਆ ਦੀ ਮਣਿਆਦ ਲੰਘੀ ਨੂੰ ਇਕ ਸਾਲ ਤੋਂ ਘੱਟ ਸਮਾਂ ਹੋਇਆ ਹੋਵੇ।
- ਔਰਤ ਜਿਹੜੀ ਇਟਲੀ ਵਿਚ ਸੈਲਾਨੀ ਵੀਜ਼ੇ 'ਤੇ ਦਾਖਲ ਹੋਈ ਹੋਵੇ ਅਤੇ ਗਰਭਵਤੀ ਹੋਵੇ, ਉਹ ਸਿਹਤ ਸੇਵਾ ਅਧਾਰ 'ਤੇ 'ਪ੍ਰਮੇਸੋ ਦੀ ਸਜੋਰਨੋ ਪੇਰ ਕੂਰੇ ਮੈਦੀਕੇ' ਲਈ ਦਰਖ਼ਾਸਤ ਦੇ ਸਕਦੀ ਹੈ। ਇਸ ਸਬੰਧੀ ਦਰਖ਼ਾਸਤ ਸਿੱਧੇ ਤੌਰ 'ਤੇ ਪੁਲਿਸ ਸਟੇਸ਼ਨ ਵਿਚ ਇਮੀਗ੍ਰੇਸ਼ਨ ਵਿਭਾਗ ਨੂੰ ਦਿੱਤੀ ਜਾ ਸਕਦੀ ਹੈ। ਦਰਖ਼ਾਸਤ ਨਾਲ ਸਿਹਤ ਵਿਭਾਗ ਵੱਲੋਂ ਗਰਭਵਤੀ ਹੋਣ ਦਾ ਪ੍ਰਮਾਣ ਪੱਤਰ ਨੱਥੀ ਕਰਨਾ ਲਾਜ਼ਮੀ ਹੈ। ਪੁਲਿਸ ਵਿਭਾਗ ਆਮ ਤੌਰ 'ਤੇ ਗਰਭਵਤੀ ਔਰਤ ਨੂੰ ਬੱਚੇ ਦੇ ਜਨਮ ਉਪਰੰਤ 6 ਮਹੀਨੇ ਦੇ ਹੋਣ ਤੱਕ ਨਿਵਾਸ ਆਗਿਆ ਪ੍ਰਦਾਨ ਕਰਵਾਉਂਦਾ ਹੈ। ਇਸ ਉਪਰੰਤ ਇਸ ਨਿਵਾਸ ਆਗਿਆ ਨੂੰ ਪਰਿਵਾਰਕ ਨਿਵਾਸ ਆਗਿਆ ਵਿਚ ਤਬਦੀਲ ਕਰਵਾਇਆ ਜਾ ਸਕਦਾ ਹੈ।
- ਗਰਭਵਤੀ ਔਰਤ ਸਿੱਧੇ ਤੌਰ 'ਤੇ ਸੈਰ ਸਪਾਟੇ ਨਾਲ ਸਬੰਧਿਤ ਨਿਵਾਸ ਆਗਿਆ ਦੀ ਦਰਖ਼ਾਸਤ ਦੇ ਸਕਦੀ ਹੈ। ਜਿਸਦੀ ਮਣਿਆਦ ਲੰਘਣ ਤੋਂ ਪਹਿਲਾਂ ਇਸ ਨਿਵਾਸ ਆਗਿਆ ਨੂੰ ਪਰਿਵਾਰਕ ਨਿਵਾਸ ਆਗਿਆ ਵਿਚ ਤਬਦੀਲ ਕਰਵਾਇਆ ਜਾ ਸਕਦਾ ਹੈ।
ਮੌਜੂਦਾ ਸਮੇਂ ਵਿਚ ਕਾਰਜਸ਼ੀਲ ਕਾਨੂੰਨ ਤਹਿਤ 3 ਮਹੀਨੇ ਤੱਕ ਦੇ ਸੈਲਾਨੀ ਵੀਜ਼ੇ 'ਤੇ ਆਏ ਵਿਦੇਸ਼ੀ ਨਿਵਾਸ ਆਗਿਆ ਦੀ ਦਰਖ਼ਾਸਤ ਨਹੀਂ ਦੇ ਸਕਦੇ, ਪਰ ਇਨ੍ਹਾਂ ਵਿਦੇਸ਼ੀਆਂ ਨੂੰ ਆਪਣੀ ਪਹਿਚਾਣ ਦਰਜ ਕਰਵਾਉਣੀ ਲਾਜ਼ਮੀ ਹੈ। ਥੋੜੇ ਸਮੇਂ ਦੇ ਵੀਜ਼ੇ ਨੂੰ ਪਰਿਵਾਰਕ ਨਿਵਾਸ ਆਗਿਆ ਵਿਚ ਬਦਲਣ ਲਈ ਵਿਦੇਸ਼ੀ ਵੱਲੋਂ ਵਿਭਾਗ ਨੂੰ ਇਟਲੀ ਵਿਚ ਦਾਖਲ ਹੋਣ ਦੀ ਜਾਣਕਾਰੀ ਘੋਖੀ ਜਾਂਦੀ ਹੈ। ਪਾਸਪੋਰਟ 'ਤੇ ਲੱਗੀ ਦਾਖਲੇ ਦੀ ਮੋਹਰ ਜਾਂ ਇਟਲੀ ਦਾਖਲ ਹੋਣ ਦੇ 8 ਦਿਨ ਅੰਦਰ ਪੁਲਿਸ ਵਿਭਾਗ ਨੂੰ ਆਪਣੇ ਇਟਲੀ ਹੋਣ ਦੀ ਦਰਜ ਕਰਵਾਈ ਸੂਚਨਾ ਨੂੰ ਨਿਵਾਸ ਆਗਿਆ ਦੇਣ ਵੇਲੇ ਘੋਖਿਆ ਜਾਂਦਾ ਹੈ।
ਕੋਏਸੀਓਨੇ ਫਾਮੀਲੀਆਰੇ ਕਿਹੜੇ ਪਰਿਵਾਰਕ ਮੈਂਬਰਾਂ ਨਾਲ ਹੋ ਸਕਦਾ ਹੈ?
ਜਿਨ੍ਹਾਂ ਵਿਦੇਸ਼ੀਆਂ ਕੋਲ ਮਣਿਆਦਸ਼ੁਦਾ ਕੰਮਕਾਜੀ, ਸਵੈਰੁਜਗਾਰ, ਧਾਰਮਿਕ ਮੰਤਵ ਜਾਂ ਪਰਿਵਾਰਕ ਅਧਾਰ ਤਹਿਤ ਨਿਵਾਸ ਆਗਿਆ ਘੱਟ ਤੋਂ ਘੱਟ ਇਕ ਸਾਲ ਲਈ ਮਣਿਆਦਸ਼ੁਦਾ ਹੋਵੇ, ਉਹ ਕੋਏਸੀਓਨੇ ਫਾਮੀਲੀਆਰੇ ਲਈ ਹੇਠ ਦਿੱਤੇ ਪਰਿਵਾਰਕ ਮੈਂਬਰਾਂ ਲਈ ਪਰਿਵਾਰਕ ਨਿਵਾਸ ਆਗਿਆ ਦੀ ਦਰਖਾਸਤ ਦੇ ਸਕਦੇ ਹਨ।
- ਬਾਲਗ ਜੀਵਨ ਸਾਥੀ
- ਨਾਬਾਲਗ ਬੱਚੇ
- ਨਿਰਭਰ ਬਾਲਗ ਬੱਚੇ, ਜਿਹੜੇ ਸਰੀਰਕ ਪੱਖੋਂ ਅਸਮਰੱਥ ਹੋਣ ਅਤੇ ਆਪਣੀ ਸਾਂਭ ਸੰਭਾਲ ਨਾ ਕਰ ਸਕਦੇ ਹੋਣ।
- ਨਿਰਭਰ ਮਾਤਾ-ਪਿਤਾ, ਜਿਨ੍ਹਾਂ ਦੀ ਉਮਰ 65 ਸਾਲ ਤੋਂ ਵਧੇਰੇ ਹੋਵੇ ਅਤੇ ਉਨ੍ਹਾਂ ਦੇ ਆਪਣੇ ਦੇਸ਼ ਵਿਚ ਉਨ੍ਹਾਂ ਦੀ ਸਾਂਭ ਸੰਭਾਲ ਲਈ ਉਨ੍ਹਾਂ ਦੇ ਹੋਰ ਬੱਚੇ ਨਾ ਹੋਣ ਜਾਂ ਸਾਂਭ ਸੰਭਾਲ ਨਾ ਕਰ ਸਕਦੇ ਹੋਣ।
ਸ਼ਰਤਾਂ
- ਆਸਲ ਵੱਲੋਂ ਮਨਜੂਰਸ਼ੁਦਾ ਢੁੱਕਵੀਂ ਰਿਹਾਇਸ਼
- ਢੁੱਕਵੀਂ ਸਲਾਨਾ ਆਮਦਨ, ਨਿਰਧਾਰਤ ਕੀਤੀ ਘੱਟ ਤੋਂ ਘੱਟ ਆਮਦਨ ਦਰ ਦਾ ਅੱਧ ਪ੍ਰਤੀ ਪਰਿਵਾਰਕ ਮੈਂਬਰ ਲਈ ਗੁਣਾ ਕੀਤਾ ਜਾਵੇ। ਦੋ ਜਾਂ ਤਿੰਨ 14 ਸਾਲ ਤੋਂ ਘੱਟ ਉਮਰ ਦੇ ਨਾਬਾਲਗ ਬੱਚਿਆਂ ਲਈ ਆਮਦਨ ਨਿਰਧਾਰਤ ਆਮਦਨ ਦਰ ਤੋਂ ਦੁੱਗਣੀ ਹੋਣੀ ਲਾਜ਼ਮੀ।
ਇਕੱਠੇ ਰਹਿੰਦੇ ਸਮੂਹ ਪਰਿਵਾਰਕ ਮੈਂਬਰਾਂ ਦੀ ਆਮਦਨ ਦਰ ਦਰਖ਼ਾਸਤ ਨਾਲ ਨੱਥੀ ਹੋ ਸਕਦੀ ਹੈ।
ਦਰਖ਼ਾਸਤ ਦੇਣ ਦਾ ਤਰੀਕਾ
ਹੋਰ ਕਿਸੇ ਮੰਤਵ ਨਾਲ ਪ੍ਰਾਪਤ ਕੀਤੀ ਨਿਵਾਸ ਆਗਿਆ ਨੂੰ ਕੋਏਸੀਓਨੇ ਫਾਮੀਲੀਆਰੇ ਤਹਿਤ ਪਰਿਵਾਰਕ ਨਿਵਾਸ ਆਗਿਆ ਵਿਚ ਤਬਦੀਲ ਕਰਵਾਉਣ ਲਈ ਦਰਖਾਸਤ ਪੁਲਿਸ ਸਟੇਸ਼ਨ ਦੇ ਇਮੀਗ੍ਰੇਸ਼ਨ ਵਿਭਾਗ ਨੂੰ ਜਮਾਂ ਕਰਵਾਈ ਜਾ ਸਕਦੀ ਹੈ। ਦਰਖ਼ਾਸਤ ਭਰਨ ਲਈ ਡਾਕਖਾਨੇਤੋਂ ਪ੍ਰਾਪਤ ਹੋਈ ਕਿੱਟ ਦਾ ਪ੍ਰਯੋਗ ਕੀਤਾ ਜਾਵੇ। ਬਿਨੇਕਾਰ ਕਿੱਟ ਵਿਚ ਮੌਜੂਦ 'ਮੋਦੂਲੋ 1 ਦੈਲ ਮੋਦੈਲੋ 209' ਭਰ ਕੇ ਭੇਜੇ। ਦਰਖ਼ਾਸਤ ਨਾਲ ਸਾਰੇ ਦਸਤਾਵੇਜ਼ਾਂ ਦੀ ਫੋਟੋ ਕਾਪੀ ਨੱਥੀ ਕੀਤੀ ਜਾਵੇ। ਲਾਜ਼ਮੀ ਤੌਰ 'ਤੇ ਪਰਿਵਾਰਕ ਰਿਸ਼ਤਿਆਂ ਨੂੰ ਦਰਸਾਉਂਦਾ ਸਰਟੀਫ਼ਿਕੇਟ ਇਟਾਲੀਅਨ ਭਾਸ਼ਾ ਵਿਚ ਤਰਜੁਮਾਨੀ ਕਰਵਾਉਣ ਉਪਰੰਤ ਇਟਾਲੀਅਨ ਅੰਬੈਸੀ ਤੋਂ ਤਸਦੀਕ ਕਰਵਾਇਆ ਜਾਵੇ। ਇਸ ਤੋਂ ਇਲਾਵਾ ਆਮਦਨ ਸਬੰਧੀ ਸਬੂਤ, ਨਿਵਾਸ ਆਗਿਆ ਦੀ ਫੋਟੋ ਕਾਪੀ ਅਤੇ ਰਿਹਾਇਸ਼ ਸਬੰਧੀ ਦਸਤਾਵੇਜ਼ ਨੱਥੀ ਕਰਨੇ ਲਾਜ਼ਮੀ ਹਨ।
ਜੇ ਤੁਸੀਂ ਯੁਨਾਇਟਡ ਕਿੰਗਡਮ ਦੀ ਸੈਰ ਲਈ ਥੋੜੇ ਸਮੇਂ ਦਾ ਜਾਂ ਫਿਰ 6 ਮਹੀਨੇ ਦਾ ਵੀਜ਼ਾ ਪ੍ਰਾਪਤ ਕਰਨਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਇਸ ਸਬੰਧੀ ਬ੍ਰਿਟਿਸ਼ ਅੰਬੈਸੀ ਹਾਈ ਕਮਿਸ਼ਨ ਜਾਂ ਵੀਜ਼ਾ ਐਪਲੀਕੇਸ਼ਨ ਸੈਂਟਰ ਨੂੰ ਦਰਖ਼ਾਸਤ ਦੇਣੀ ਪਵੇਗੀ। ਵਿਦੇਸ਼ੀ ਵੀਜ਼ੇ ਦੀ ਦਰਖ਼ਾਸਤ ਦੇਣ ਤੋਂ ਪਹਿਲਾਂ ਇੰਟਰਨੈੱਟ ਦੀ ਵੈੱਬਸਾਈਟ 
ਰੋਮ (ਇਟਲੀ) 21 ਅਕਤੂਬਰ (ਵਰਿੰਦਰ ਕੌਰ ਧਾਲੀਵਾਲ) - ਪ੍ਰਤੀ ਪ੍ਰਸ਼ਨ ਦੇ ਜੁਆਬ ਦੇਣ ਲਈ ਇਸ ਗਾਈਡ ਦਾ ਨਿਰਮਾਣ ਕੀਤਾ ਗਿਆ ਹੈ। ਇਹ ਗਾਈਡ ਦੋ ਭਾਗਾਂ ਵਿਚ ਉਪਲਬਧ ਕਰਵਾਈ ਗਈ ਹੈ। ਇਕ ਲਾਲ ਪ੍ਰਸ਼ਨਾਂ ਲਈ ਅਤੇ ਦੂਸਰੀ ਹਰੇ ਪ੍ਰਸ਼ਨਾਂ ਲਈ। ਸਾਰੇ ਵਿਦੇਸ਼ੀਆਂ ਨੂੰ 15ਵੇਂ ਜਨਗਣਨਾ ਨਾਲ ਸਬੰਧਿਤ ਪ੍ਰਸ਼ਨ-ਉੱਤਰੀ ਦੇ ਜੁਆਬ ਦਰਜ ਕਰਵਾਉਣ ਦੀ ਅਪੀਲ ਸਰਕਾਰ ਵੱਲੋਂ ਕੀਤੀ ਗਈ ਹੈ। ਜਿਸ ਨਾਲ ਕਿ ਦੇਸ਼ ਦੀ ਸਹੀ ਅਬਾਦੀ ਦਾ ਖੁਲਾਸਾ ਹੋ ਸਕੇ। 9 ਅਕਤੂਬਰ ਤੋਂ ਇਸ ਸਬੰਧੀ ਸੂਚਨਾ ਦਰਜ ਕਰਵਾਉਣੀ ਆਰੰਭ ਕੀਤੀ ਗਈ ਹੈ। ਜਿਹੜੇ ਇਟਾਲੀਅਨ ਭਾਸ਼ਾ ਦਾ ਗਿਆਨ ਨਹੀਂ ਰੱਖਦੇ ਉਹ ਹੇਠ ਦਿੱਤੇ ਜਾ ਰਹੇ ਲਿੰਕ ਤੋਂ ਇਸ ਗਾਈਡ ਨੂੰ ਇਟਾਲੀਅਨ ਤੋਂ ਇਲਾਵਾ ਅੰਗਰੇਜੀ ਭਾਸ਼ਾ ਵਿਚ ਵੀ ਡਾਊਨਲੋਡ ਕਰ ਸਕਦੇ ਹਨ। ਇਹ ਗਾਈਡ ਤਫ਼ਸੀਲੀ ਜਨਗਣਨਾ ਦਾ ਫਾਰਮ ਭਰਨ ਲਈ ਸਹਾਈ ਹੋਵੇਗੀ।
ਇਟਲੀ 'ਚ ਵਿਆਹ ਬੰਧਨ ਵਿਚ ਬੱਝਣ ਵਾਲੇ ਵਿਦੇਸ਼ੀ ਸਥਾਨਕ ਨਾਗਰਿਕ ਇਟਾਲੀਅਨ ਪਰਿਵਾਰਕ ਕਾਨੂੰਨ ਤਹਿਤ ਵਿਚਾਰੇ ਜਾਂਦੇ ਹਨ। ਇਟਾਲੀਅਨ ਨਾਗਰਿਕ ਜਾਂ ਗੈਰਯੂਰਪੀ ਨਾਗਰਿਕ ਨਾਲ ਇਟਲੀ ਵਿਚ ਵਿਆਹ ਕਰਵਾਉਣ ਲਈ ਨਿਵਾਸ ਆਗਿਆ ਦਾ ਹੋਣਾ ਲਾਜ਼ਮੀ ਨਹੀਂ ਪਰ ਵਿਆਹ ਕਰਵਾਉਣ ਵਾਲੀਆਂ ਕੋਲ ਮਣਿਆਦਸੁਦਾ ਪਾਸਪੋਰਟ ਦਾ ਹੋਣਾ ਲਾਜ਼ਮੀ ਹੈ।
